Llanfairpwll Distillery
Gyda chyllid Prosiect Helix wedi’i ddarparu gan Lywodraeth Cymru, buont yn gweithio gyda ni yn y Ganolfan Technoleg Bwyd i ddatblygu eu cynllun HACCP fel y gallent werthu eu cyd-gynnyrch fel porthiant anifeiliaid i ffermwyr a chynhyrchwyr bwyd lleol.
Cefndir
Wedi'i sefydlu yn 2018, mae Distyllfa Llanfairpwll yn gwmni gwirodydd crefft arobryn wedi ei leoli yn Gaerwen, Ynys Môn.
Mae eu hystod o wirodydd crefft distylliedig premiwm yn defnyddio cymaint o gynhwysion lleol â phosibl, o'r mintys a'r rhosmari yn y gin sych i'r mwyar duon ffres yn y gin mwyar duon.
Mae popeth yn y broses (distyllu, potelu a labelu) yn cael ei wneud o'u micro-ddistyllfa yn Gaerwen, lle maen nhw hefyd yn cynnig teithiau distyllfa a phrofiadau blasu.
Y gefnogaeth a gafwyd gan y Ganolfan Technoleg Bwyd
Roedd Distyllfa Llanfairpwll eisiau lleihau eu gwastraff trwy ddefnyddio cyd-gynnyrch o'u rym. Gyda chyllid Prosiect Helix wedi’i ddarparu gan Lywodraeth Cymru, buont yn gweithio gyda ni yn y Ganolfan Technoleg Bwyd i ddatblygu eu cynllun HACCP fel y gallent werthu eu cyd-gynnyrch fel porthiant anifeiliaid i ffermwyr a chynhyrchwyr bwyd lleol.
Manteision y Gefnogaeth
Dywedodd Robert Laming, perchennog Distyllfa Llanfairpwll: ‘Cysylltais â’r Ganolfan Technoleg Bwyd am gyngor a chymorth mewn perthynas â’n cyd-gynnyrch sy’n cael ei gynhyrchu pan fyddwn yn cynhyrchu ein rum o driagl cansen pur. Y cyd-gynnyrch yw'r hylif sy'n weddill o'r distylliad rym, a elwir yn gwrw pot, a gellir ei roi i wartheg i wella eu porthiant. Mae'n gyfoethog mewn maetholion a bydd yn dal i gynnwys rhywfaint o siwgr a mwynau.
Er mwyn i ni allu ei gyflenwi fel bwyd anifeiliaid, roedd yn ofynnol i ni gofrestru gyda'r awdurdod lleol fel gweithredwr busnes bwyd anifeiliaid a chynhyrchu cynllun HACCP ar gyfer y cyd-gynnyrch.
Helpodd Susan ni i ddatblygu cynllun HACCP a gweithdrefnau cysylltiedig eraill ar gyfer y cyd-gynnyrch a oedd yn caniatáu i ni gofrestru fel gweithredwr busnes bwyd anifeiliaid. Roedd y gofynion o ran bwyd anifeiliaid yn newydd i mi felly roedd cael cefnogaeth a gwybodaeth gan Susan yn amhrisiadwy i ni.
Fe wnaethant hefyd roi cymorth i ddadansoddi maeth y cynnyrch. Roedd hyn yn bwysig er mwyn gallu trosglwyddo'r wybodaeth i'r ffermwr er mwyn iddynt allu sicrhau bod eu da byw yn cael diet cytbwys.
Mae’r gwaith hwn wedi ein galluogi i gynhyrchu ein rym heb unrhyw wastraff, sy’n helpu i leihau llygredd a chadw adnoddau wrth arbed arian i’r ffermwr a ninnau’.
https://www.llanfairpwlldistil...
O ganlyniad i gyllid Prosiect HELIX, mae Distyllfa Llanfairpwll wedi gallu cyflenwi cynhyrchwyr cig lleol, Eryri Wagyu, â bwyd i’w gwartheg.
Dywedodd Sioned Pritchard, perchennog a sylfaenydd Eryri Wagyu ‘Yn Eryri Wagyu, rydym bob amser yn chwilio am ffyrdd o wella ansawdd ein cig eidion wrth gefnogi cynaliadwyedd ac arloesedd. Mae’r cyfle i ymgorffori’r cyd-gynnyrch cwrw o ddistylliad rym Llanfairpwll ym mhorthiant ein gwartheg wedi bod yn dipyn o newid i ni. Mae’r cydweithio hwn nid yn unig wedi bod o fudd i’n gwartheg a’n busnes ond mae hefyd yn cefnogi’r gymuned ehangach drwy helpu i leihau gwastraff a hybu arferion cynaliadwy’.
Mae Eryri Wagyu hefyd wedi derbyn arian Prosiect HELIX, ac roedd y Ganolfan Technoleg Bwyd yn gallu cynnig cymorth a chyngor ar brosiectau amrywiol i’r cwmni. Roedd rhai o’r prosiectau’n cynnwys profion oes silff, profion sefydlogrwydd microbiolegol, gwerthusiadau maethol datblygu cynnyrch newydd ar eu pate cig eidion. Dysgwch ragor am y gefnogaeth a gawsant yma
https://www.snowdoniawagyu.co....
